للشباب فقط !!!

شاعر يحضر زواج حبيبته ويلقي قصيدة للعريس - جريء بجد

كلام القصيده بالصميم
هذه قصيده وجهها عاشق لعريس عشيقته ليله الزفاف

بصرااااحــــــــــــــــة

ما رأي االأعضاء الشباب لو كان احدهم مكان هذا العريس ؟ ووجد هذا العاشق يلقي القصيدة امامه في قاعه العرس؟

خلونا بهالقصيدة الرائعة المؤثرة بالفعل ؛ التي تجبرك على قراءتها للنهاية ..

وإن شاء الله تحوز على رضاكم

.. ما جيت أبارك ولكن جيـت باوصّيـك

على الله ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك وحدّت محاكيك

قسم بالله ما تدخـل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك

نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني لأجـل تعطيـك

كذا لازم عشان تفوز إنت .. أخسـر بتجربْتـي

تراها غاليه جـداً .. وتكفـى .. والله يخليـك

تـدللها .. تدلعهـا .. تنسّيـهـا مصاحبْـتـي

أنا من كثر ما اغليها أحس اني بديـت اغليـك

ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك

لـذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك

وهي دلوعه اعتـادت علـى كثـرة مداعبْتـي

فداعبها شوي شوي حتـى تشتهـي طاريـك

وشاغبها إليـن تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك

تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك

ما يحتاج اورّي لـك بفـن الضـرب موهبْتـي

صحيح انك بتملكها ومعك العقد بالتمليـك

وانا عارف حـدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك

يقـول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك

تغطّي ذكرياتي في هواهـا.. وربْـع تجربْتـي

أحس اني تماديت بكلامي.. والغضب حاديـك

ولو انّك في مكاني مـا تفكّـر في محاسبْتي

كفاك اني تركت الليله اشغالي عشـان اجيـك

دخلت القاعه برجلي ولا ادري ويش عاقبْتـي

انا ما جيت اخرّب عرسك الليلـه ولا آذّيـك

أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك

ترى كل الكلام اللي طلَع مـن ضيقـيَ وكبْتـي

ولكن ما قدرت انّي أقوله وانـت مـا يخفيـك

أخـاف انّـي إذا قلتـه تقـوم وتقطـع رقبتي

يعطيج العافيه أختي وصح لـ سانج

الله يسلمك وصح ابدنك اخوي.... بس ماقلت لي لو كنت مكان المعرس شتسوي....

بصراحه ما اعتقد يقولها بوجهة

انا اشوف ان من المستحيل يقووولها بوجهة

لان بلا شك انه راح يذبحه

مع احترامي لــ صاحب القصيده الحقيقي

اشوف انه قليل ادب بمعى الكلمة

ولا يعرف معنى الحب

لانه فضحها بكلامه ..!!

شكرا لج اختي .. وهذا ردي للسؤال

العفووو اخوي الغالي..... وشكرا على مرورك اللي عطر صفحتي وزادهاا نور

مثل ما قال هيبة ملك

مستحيل بيخليه

راح يذبحه ويلعن والديه بعد

بس اتوقعها من وحي خياله القصيده

عباله الاخ رامبووو

خخخخخخخ

يسلمووو خيتووو عالقصيده الي تغث بصراحه

سلامة عمرك من المغثة.... وشكرا عالرد بس والله ضحكتني .. :)
يعطيك العافية وشاكرة لك مرورك الطيب